لائف سٹائل
سیاسی پس منظر میں بنی فلم مداری عیدالاضحیٰ پر نمائش کے لیے پیش کی جائے گی
عیدالاضحیٰ پرکراچی کے سیاسی پس منظرپربنائی گئی فلم مداری بھی نمائش کے لیے پیش کی جائیگی۔
سال کے دواہم تہواروں عیدالفطراورعیدالضحیٰ کو فلموں کے بزنس کے حوالے کافی امیدافزا تصور کیا جاتا ہے،رواں برس بڑی عید پردیگرفلموں کے جھرمٹ میں کراچی کے سیاسی حالات وواقعات کے پس منظر میں بنی فلم مداری کے جاری ٹریلرکو بھی کافی پذیرائی مل رہی ہے۔
فلم مداری میں دکھایا گیا ہے کہ ایک نوجوان کس قدرذوق وشوق سے سیاسی جلسے،جلوسوں کا حصہ بنتا ہے،اور پھر معاشرتی استحصال کی وجہ سے ہاتھوں میں اسلحہ تھام لیتا ہے۔
فلم مداری ایک نوآموز ٹیم کی ایکشن،تھرل فلم ہے،جس کی ڈائریکشن سراج شیخ نے دی ہے جبکہ نمایاں کاسٹ میں عباد عالم،سحر اورحماد شیخ کے نام شامل ہیں۔