کھیل
کیلین امباپے لگاتار چوتھی بار لیگ ون کے بہترین کھلاڑی قرار
پیرس سینٹ جرمین نے 11ویں بار فرنچ لیگ کا ٹائٹل اپنے نام کیا اور اسٹار فٹبالر امبامپے نے پی ایس جی کو ٹائٹل جتوانے میں اہم کردار ادا کیا۔
کیلین امباپے لیگ ون میں 28 گول اسکور کر کے سر فہرست ہیں جبکہ الیگزینڈر لاکازیٹ 27 گول اسکور کرکے دوسرے نمبر پر موجود ہیں۔
24 سالہ امباپے نے ایوارڈ جیتنے کے بعد کوچ، ٹیم میٹس اور پورے سٹاف کا شکریہ ادا کیا اور کہا کہ مجھے یہ ایوارڈ جیتنے پر بے حد خوشی ہے اور میں اپنا اور اپنے ملک کا نام روشن کرتا رہوں گا۔
امباپے واحد فارورڈ کھلاڑی ہیں جنہوں نے چار بار لگاتار لیگ ون میں بہترین کھلاڑی ہونے کا اعزاز اپنے نام کیا، امباپے 24 سال کی عمر میں 6لیگ ون ٹائٹلز اپنے نام کر چکے ہیں ۔