میسی سب سے زیادہ ایوارڈز لینے والے تاریخ کے پہلے کھلاڑی

رونالڈو، پیلے اور میراڈونا جو نہ کر سکے، میسی نے کر دکھا یا،ارجنٹینا کے کپتان لیونل میسی ایک اور ایوارڈ حاصل کر کے فٹبال کی تاریخ میں سب سے زیادہ ایوراڈز اپنے نام کرنے والے کھلاڑی بن گئے۔
لیو میسی نے” لاریئس ورلڈ سپورٹس مین آف دی ایئر2023″ کا ایوارڈ اپنے نام کیا ہے۔ فٹبا ل کی تاریخ میں ایسا پہلی بار ہوا ہے کہ لاریئس سپورٹس مین آف دی ایئر کا ایوارڈ کسی فٹبالرنے دو بار حاصل کیا ہو ، اس سے پہلے میسی 2020 میں لارئیس سپورٹس میں آف دی ائیر کا ایوارڈ حاصل کر چکے ہیں۔
لیونل میسی پہلے کھلاڑی ہیں جنہوں نے رواں سال “لاریئس ورلڈ اسپورٹس مین آف دی ایئر” کا ایوارڈ اپنے نام کرنے کے ساتھ ساتھ “لاریئس ورلڈ ٹیم آف دی ایئر “میں منتخب ہونے کا اعزاز بھی اپنے نام کیا۔
ارجنٹینا کے کپتان فٹبال کی دنیا میں 78 ایوارڈ حاصل کر کے دنیائے فٹبال میں سب سے زیادہ ایوارڈ اپنے نام کرنے والے پلیئر بھی بن گئے ہیں۔