تازہ ترین
2 مئی کو کراچی، 9 مئی کو پشاور میں ملین مارچ ہوگا، کسی نے روکنے کی کوشش کی تو مصیبت کو دعوت دے گا، مولانا فضل الرحمان
![](https://urduchronicle.com/wp-content/uploads/2023/12/fazlur-rehman-1.jpg)
جمعیت علما اسلام ( جے یو آئی ایف) کے سربراہ مولانا فضل الرحمان نے کہا ہے کہ حکومت کے اپنے لوگ ہی اس مینڈیٹ پر اعتراضات اٹھا رہے ہیں،ہم نے جمہوریت بیچی ہے اور اپنے ہاتھ سے اپنے آقا بنائے ہیں،جمہوریت آج کہاں کھڑی ہے،جمہوریت اس لیے کمزور ہے کہ ہم نے ہر مرحلے پر سمجھوتا کیا۔
مولانا فضل الرحمان نے قومی اسمبلی میں اظہار خیال کرتے ہوئے کہا کہ میں پہلی بار ایوان میں حاضر ہوا ہوں،مسئلہ یہاں تک محدود نہیں کہ ہم جلسہ کرسکتے ہیں یا نہیں؟پی ٹی آئی کو جلسہ کرنے کا حق دینے کی حمایت کرتا ہوں، اسد قیصر کے مطالبے کی حمایت کرتا ہوں۔
مولانا فضل الرحمان نے کہا کہ اس بات پر سنجیدگی سے غور کیا جائے کہ ملک آج کہاں کھڑا ہے،ہم نے یہ ملک برصغیر کے مسلمانوں کی تائید اور قربانیوں سے حاصل کیا، یہ عوام کی نمائندہ پارلیمان ہے یا اسٹیبلشمنٹ کی ترتیب دی گئی پارلیمان ہے؟ہم پارلیمان کی حیثیت کے اس سوال سے نکلیں گے یا مزید دھنستے چلے جائیں گے۔
مولانا فضل الرحمان نے کہا کہ اس ملک میں محلاتی سازشوں پر حکومتیں بنتی اور ٹوٹتی تھیں،قائداعظم نے جو اتحاد، تنظیم اور یقین محکم کا درس دیا تھا وہ کہاں گیا؟قائداعظم کا پاکستان کہاں ہے آج؟
مولانا فضل الرحمان نے کہا کہ حکومت کو چلنے ہی نہیں دیا گیا، کیا وجہ ہے کہ آج ایوان پر سوال اٹھایا جارہا ہے،ایک زمانے میں ایک صدر مملکت نے 5 وزیراعظم تبدیل کیے،بڑی مشکل اور جدوجہد سے عوام کو ووٹ کا حق ملا، خدا کرے یہ بات غلط ہو مگر ہماری معلومات ہیں اس بار اسمبلیاں خریدی اور بیچی گئی ہیں۔
ان کا مزید کہنا تھا کہ ہم یہاں پر ایک قانون پاس نہیں کرسکتے، اسپیکر صاحب آپ کی پوری جماعت گواہ ہے کہ ہم نے ایک اجلاس میں ایک قانون سازی پر بات کی، اس قانون سازی کیلئے وزیرقانون کی نگرانی میں کمیٹی بنی، دینی مدارس اور حکومت کے درمیان اس مسودے پر اتفاق ہوگیا، وہ مسودہ ڈرتے ڈرتے اسمبلی میں آیا لیکن اسے ڈراپ کرنا پڑا، ہم اپنی مرضی سے قانون بھی نہیں بنا سکتے۔
مولانا فضل الرحمان نے مزید کہا کہ ہندوستان اور ہم ایک ہی دن آزاد ہوئے، لارڈ ماؤنٹ بیٹن اور قائد اعظم نے ایک ہی دن حلف اٹھایا، آج بھارت دنیا کی سپر پاور بننے کے خواب دیکھ رہا ہے اور ہم دیوالیہ پن سے بچنے کیلئے بھیک مانگ رہے ہیں۔
مولانا فضل الرحمان نے کہا کہ گھومتے پھرتے یہی بات آئے گی کہ سیاستدان اور حکومت ذمہ دار ہے، دیوار کے پیچھے سے جو قوتیں ہمیں کنٹرول کرتی ہیں، جن کے ہاتھ میں ہماری ڈوریں ہیں، فیصلہ وہ کریں اور منہ ہمارا کالا ہو؟
ان کا کہنا تھا کہ ہم نے ملک کو جمود کا شکار بنادیا ہے، جمود کی شکار قومیں ترقی نہیں کرسکتیں، ملک اسلام کے نام پر حاصل کیا گیا، لیکن پاکستان دنیا میں ایک سیکیولر اسٹیٹ کا روپ دھار چکا ہے، جن لوگوں سے ایوان بھر دیے جاتے ہیں انہیں پاکستان کے نظریے سے کوئی دلچسپی نہیں، آپ کا آئین کہتا ہے کہ حاکمیت اللہ کی ہے، آئین کہتا ہے قانون سازی قرآن و سنت کے تابع ہوگی۔
مولانا فضل الرحمان نے کہا کہ مل کر سوچیں ہماری جمہویت کہاں ہے، مارشل لا پر مارشل لا لگا اور ہم سمجھوتا کرتے رہے۔
ان کا کہنا تھا کہ ہمیں اپنا ملک ٹھیک کرنا چاہئے، یہ قیادت کا مسئلہ ہے، نوازشریف، شہبازشریف اور بلاول سے کہتا ہوں کہ چھوڑیں اس اقتدار کو اور جائیں عوام میں، لیکن ہم سمجھنے کیلئے نہیں بلکہ نوکری کرنے کیلئے تیار ہیں۔
مولانا فضل الرحمان نے اعلان کیا کہ 2 مئی کو کراچی اور 9 مئی کو پشاور میں ملین مارچ ہوگا، اگر کسی نے مارچ روکنے کی کوشش کی تو اپنے لیے مصیبت کو دعوت دے گا۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی