پاکستان
سکردو ایئرپورٹ پر فرضی کریش، امدادی عملے کا رسپانس ٹائم جانچا گیا
اسکردو انٹرنیشنل ائرپورٹ پر فل اسکیل ائرپورٹ ایمرجنسی مشق کا انعقاد کیا گیا،فرضی ماحول کے دوران جہاز کے ائیر کریش کے دوران مختلف اداروں کا رسپانس ٹاٹم جانچا گیا۔
ترجمان سی اے اے کے مطابق اسکردو ائیر پورٹ پر ہنگامی مشق میں سول ایوی ایشن، اے ایس ایف، پی آئی اے، ایئر بلیو شریک ہوئے،ایس اے پی ایس، پی اے ایف، آرمی ایوی ایشن، سی ایم ایچ، بے نظیر ہسپتال، ضلعی انتظامیہ کے نمائندے بھی شریک ہوئے۔
ہنگامی مشق میں ریسکیو 1122، ڈی ایچ کیو اور ضلع بی آر ای کے افسران نے بھی شرکت کی،ہوائی اڈے پر فرضی ہوائی حادثہ کے بعد فائر فائٹنگ اور ریسکیو آپریشن کیا گیا،مشق کا اختتام تفصیلی ڈی بریفنگ اور تنقیدی سیشن کے ساتھ ہوا جس میں تمام ایجنسیوں نے شرکت کی۔