پاکستان
خیبرپختونخوا اور پنجاب میں دھند کی وجہ سے موٹر ویز بند
خیبرپختونخوا اور پنجاب میں شدید دھند کی وجہ سے موٹرویز بند ہیں۔ ترجمان موٹروے پولیس کا کہنا ہے کہ موٹروے ایم ون پشاور سے اسلام آباد تک دھند کے باعث بند ہے۔
موٹروےایم 2 لاہور سے کوٹ مومن تک دھند کی وجہ سے بند کی گئی ہے، موٹروے ایم 3 فیض پور سے سمندری تک دھند کے باعث بند رکھی گئی ہے۔
موٹروے ایم 4 بھی دھند کی وجہ سے بند ہے۔سوات ایکسپریس وے کو کرنل شیر خان سے چکدرہ تک بند رکھا گیا ہے۔
ہزارہ موٹروے، برہان سے شاہ مقصود تک دھند کے باعث ٹریفک کےلیے بند ہے۔ موٹروے ایم 14 ہکلا سے یارک تک شدید دھند کے باعث بند کرنا پڑی۔