ٹاپ سٹوریز
قومی اسمبلی بزنس ایڈوائزری کمیٹی کا اجلاس، مشترکہ اجلاس میں کوئی آئینی ترمیم نہیں ہوسکتی، وفاقی وزیر قانون
اسپیکر سردار ایاز صادق کی زیر صدارت قومی اسمبلی کی بزنس ایڈوائزری کمیٹی کا اجلاس ہوا،ایڈوائزری کمیٹی اجلاس میں قومی اسمبلی کے نویں اجلاس کے ایجنڈے اور دورانیےکے حوالے سے بات چیت کی گئی،قومی اسمبلی کے 26 اگست سے شروع ہونے والے اجلاس کا دورانیہ دو ہفتے رکھنے کی تجویز دی گئی۔،،ضرورت پڑنے پر قومی اسمبلی کے نویں اجلاس کے دورانیے میں ردوبدل کیا جا سکتا ہے،مشترکہ پارلیمنٹ کا اجلاس اگلے ہفتے بدھ یا جمعرات کو طلب کرنے کی تجویز ہے۔
اجلاس میں ختم نبوت سے متعلقہ کیس کے حوالے سے پارلیمان، علماء اور دیگر کے کردار کی تعریف کی گئی،وزیر قانون اعظم نذیر تارڑ نےکہاکہ مشترکہ اجلاس میں کوئی آئینی ترمیم نہیں ہو سکتی، اس حوالے سے تمام خبریں بے بنیاد ہیں۔
اسپیکر سردار ایاز صادق نےکہاکہ ختم نبوت ایمان کا حصہ ہے، اس پر کوئی سمجھوتہ نہیں ہو سکتا ، اجلاس میں ڈپٹی اسپیکر سید غلام مصطفی شاہ کی شرکت اجلاس میں ممبران قومی اسمبلی سید نوید قمر ، شیخ آفتاب احمد ، شہلا رضا، طارق فضل چوہدری، اعجاز حسین جاکھرانی ، نزہت صادق، خالد حسین مگسی ، نور عالم خان، شگفتہ جمانی نے بھی شرکت کی،
اجلاس میں ممبران اسمبلی گوہر علی خان، ملک عامر ڈوگر، سید امین الحق، علی محمد خان ، زرتاج گل اور سید حفیظ الدین بھی شریک ہوئے۔