پاکستان
نواز، زرداری نے جتنا نقصان پاکستان کو پہنچایا اتنا امریکی بم نے جاپان کا نقصان نہیں کیا تھا، سراج الحق
امیر جماعت اسلامی سراج الحق نے کہا ہے کہ نواز زرداری نے جتنا نقصان پاکستان کو پہنچایا اتنا امریکی بم نے جاپان کو بھی نہیں پہنچایا۔
سرگودھا کی تحصیل کوٹ مومن میں انتخابی جلسے سے خطاب کرتے ہوئے سراج الحق نے کہا کہ امریکا نے جاپان کے دو شہروں پر ایٹم بم سے حملہ کیا، جاپانی قوم چند سالوں میں دوبارہ کھڑی ہوگئی، نواز زرداری نے جتنا نقصان پاکستان کو پہنچایا اتنا امریکی بم نے جاپان کو بھی نہیں پہنچایا۔
امیر جماعت اسلامی نے کہا کہ آج پاکستان پر 80 ہزار ارب روپے سے زیادہ قرضہ ہے، پاکستان میں کرنسی آج کاغذ کا ٹکرا بن گیا ہے، پاکستان سے چھوٹے ممالک کی کرنسی بھی ہم سے زیادہ مضبوط ہے،۔
سراج الحق نے کہا کہ پاکستان کو نواز کی نہیں امن کی ضرورت ہے، قرض اتارو اسکیم کا جو پیسہ تھا کہاں گیا، شہزادہ کہتا ہے میرے نانا اور والد ہ وزیراعظم تھیں تو میں بھی بنوں گا،2 خاندانوں نے اداروں، کسانوں اور نوجوانوں کو نقصان پہنچایا، ۔
امیر جماعت اسلامی نے کہا کہ لوگ اب پیپلز پارٹی اور ن لیگ کو ووٹ نہیں دیں گے، آج یہ پھر حکمرانی کے لیے آگئے ہیں۔