کھیل
آف سپنر ساجد خان نے قومی ٹیسٹ سکواڈ کو پرتھ میں جوائن کر لیا
آف اسپنر ساجد خان نے پرتھ میں پاکستان ٹیسٹ اسکواڈ کو جوائن کرلیا، وہ کل پاکستان ٹیم کےساتھ پریکٹس بھی کریں گے۔
کینبرا میں چار روزہ پریکٹس میچ کے دوران مسٹری اسپنر ابرار احمد پاؤں کی تکلیف کا شکار ہوگئے تھے جس کے بعد ان کو پرتھ ٹیسٹ میں نہ کھلانے کا فیصلہ کیا گیا ہے۔
ابرار احمد کی جگہ آف اسپنر ساجد خان کو آسٹریلیا طلب کیا گیا جو کراچی سے بذریعہ دبئی پرتھ پہنچ گئے ہیں۔
ساجد خان پاکستان ٹیم کےساتھ پریکٹس سیشن میں حصہ لیں گے، پاکستان اور آسٹریلیا کے درمیان پہلا ٹیسٹ 14 دسمبر سے کھیلا جائے گا۔