پاکستان
سکیورٹی فورسز کا شمالی وزیرستان میں آپریشن، 6 دہشتگرد مارے گئے
سیکیورٹی فورسز نے دہشت گردوں کی موجودگی کی اطلاع پر ضلع شمالی وزیرستان میں انٹیلی جنس کی بنیاد پر آپریشن کیا۔ فائرنگ کے تبادلے کے دوران 6 دہشتگردوں کو جہنم واصل کردیا گیا۔
آپریشن کے دوران دہشت گردوں کے ٹھکانے کو بھی تباہ کر دیا گیا۔ مارے گئے دہشت گرد سکیورٹی فورسز کے خلاف دہشت گردی کی متعدد کارروائیوں کے ساتھ ساتھ علاقے میں بے گناہ شہریوں کی ٹارگٹ کلنگ میں بھی سرگرم تھے۔
آئی ایس پی آر کا کہنا ہے کہ سیکیورٹی فورسز کی جانب سے علاقے میں سینی ٹائزیشن آپریشن جاری ہے، جو ملک سے دہشت گردی کی لعنت کے خاتمے کے لیے پرعزم ہیں۔