پاکستان
ٹانک میں سکیورٹی فورسز کا آپریشن، فائرنگ کے تبادلے میں 7 دہشتگرد ہلاک
سیکیورٹی فورسز نے خیبرپختونخوا کے ضلع ٹانک کے علاقہ کری مچھن خیل میں خفیہ اطلاع پر آپریشن کیا، جہاں سیکیورٹی فورسز کے ساتھ فائرنگ کے تبادلے میں 7 دہشتگرد ہلاک ہوگئے۔
پاک فوج کے شعبہ تعلقات عامہ آئی ایس پی آر کے مطابق آپریشن کے دوران دہشت گردوں کے ٹھکانے بھی تباہ کر دیے گئے۔ مارے گئے دہشت گردوں کے قبضے سے اسلحہ اور گولہ بارود برآمد کیا گیا۔؎پاک فوج کے شعبہ تعلقات عامہ کے مطابق ہلاک دہشت گرد ٹانک اور گرد و نواح میں پولیس کی حالیہ ٹارگٹ کلنگ میں ملوث تھے، جبکہ دہشت گردی کی متعدد کارروائیوں میں بھی سرگرم تھے۔
آئی ایس پی آر کے مطابق علاقے میں دیگر دہشت گردوں کے خاتمے کےلیے کلیئرنس آپریشن جاری ہے۔
پاک فوج کے شعبہ تعلقات عامہ کے مطابق علاقہ مکینوں نے دہشت گردی کے خاتمے میں سیکیورٹی فورسز سے بھرپور تعاون کا اظہار کیا۔