پاکستان
پاک بحریہ نے کھلے سمندر میں بروقت کارروائی کر کے 6 ماہی گیروں کو بچالیا
پاک بحریہ نے کھلےسمندر میں بروقت امدادی کاروائی کرکے 6 ماہی گیروں کو بچالیا۔
ترجمان کے مطابق پاک بحریہ کے جہاز کو سمندر میں پھنسی الزوبیر نامی کشتی کی طرف سے ہنگامی کال موصول ہوئی، جس کے بعد مشکل حالات میں پھنسی کشتی کی جانب ٹیمیں روانہ کی گئیں.
بروقت امدادی کاروائی کرتے ہوئے ماہی گیروں کی کشتی کو تلاش کیا گیا اوراس میں پیدا ہونے والی فنی خرابی کو دور کیا گیا.
پاک بحریہ کی میڈیکل ٹیم نے کشتی میں پھنسے 6 ماہی گیروں کو طبی امداد بھی فراہم کی،سرچ اینڈ ریسکیو آپریشن پاک بحریہ کا سمندر میں انسانی زندگی کے تحفظ کے عزم کا مظہر ہے۔