پی سی بی نے سابق ٹیسٹ کرکٹرسرفراز نواز کی پنشن بحال کردی

پاکستان کرکٹ بورڈ کی منیجمنٹ کمیٹی کے سربراہ ذکاء اشرف، محمد حفیظ اور مصباح الحق نے نیشنل کرکٹ اکیڈمی لاہورمیں سابق ٹیسٹ کرکٹر سرفراز نوازسے ملاقات کی۔

 سرفراز نواز سے  پی سی بی عہدیداران کی ملاقات کا مقصد اس معاملے کو حل کرنا تھا جس کا تعلق ان ادائیگیوں سے تھا جو جنوری 2017 ء سے سرفراز نواز کو رکی ہوئی تھیں۔

PCB restores Sarfraz Nawaz’s pension following meeting with Mr Zaka Ashraf, Chairman of the PCB Management Committee.

Read more ➡️ https://t.co/b5LUkd0ue7 pic.twitter.com/NSixkqBYSD

— Pakistan Cricket (@TheRealPCB) August 8, 2023

پاکستان کرکٹ بورڈ کی منیجمنٹ کمیٹی کے سربراہ ذکاء اشرف نے اس موقع پر سرفراز نواز کو پاکستان کرکٹ بورڈ کی کرکٹرز ویلفیئر پالیسی کے تحت ان کی تمام رکی ہوئی ادائیگیوں کا چیک حوالے کیا اور انہیں اپنی تمام تر حمایت کا یقین بھی دلایا۔

پاکستان کرکٹ بورڈ نے 2017 میں سرفراز نواز کی جانب سے پلیئرز ویلفیئر پالیسی کے ضابطہ اخلاق کی خلاف ورزی کے باعث ڈسپلنری کارروائی کے تحت انکی ادائیگیاں روک لیں تھیں ،ملاقات میں سرفراز نواز نے پاکستان کرکٹ بورڈ کو یقین دلایا ہے کہ وہ ضابطہ اخلاق پر عمل کریں گے لہٰذا پلیئرز ویلفیئر پالیسی کے تحت وہ ادائیگیاں بحال کردی گئی ہیں۔

ذکاء اشرف کا اس موقع پر کہنا تھا کہ انہیں سرفراز نواز جیسے کرکٹر کو اس حالت میں دیکھ کر افسوس ہوا اور وہ یہ دیکھ کر بہت ڈسٹرب ہوئے کہ سرفراز نواز جیسے کرکٹر کو ان کی پنشن جیسے حق سے محروم رکھا گیا۔

سرفراز نواز نے 55 ٹیسٹ اور45 ون ڈے انٹرنیشنل میچوں میں پاکستان کی نمائندگی کی اور بالترتیب 177 اور 63 وکٹیں حاصل کی تھیں۔