پاکستان
پی آئی اے کی یورپ کے لیے پروازیں بحال ہونے کی امید، یورپی سیفٹی ایجنسی کے آڈٹ میں کلیئر
یورپ میں پی آئی اے کی پروازیں بحالی کے لیے اہم پیش رفت،یورپی ایوی ایشن سیفٹی ایجنسی ایاسا نے پی آئی اے کو ریموٹ آڈٹ میں کلئیرکردیا۔
ذرائع کےمطابق پی آئی اے کا ایاسا نے آن لائن آڈٹ چند ماہ قبل کیا تھا،یورپ میں پی آئی اے پروازوں کی بحالی ایک قدم دوری پر رہ گئی۔
یورپی ایوی ایشن ایجنسی ستمبر میں پی آئی اے اور پاکستان سی اے اے کا فزیکل آڈٹ کرنے پاکستان آئے گی،فائنل آڈٹ میں کامیابی کے بعد پی آئی اے کی یورپ میں پروازیں بحال ہوجائینگی۔
پی آئی اے پر جون 2020 سے یورپی ملکوں میں پروازوں پر پابندی عائد ہے، یورپ میں بحالی سے پی آئی اے کو خطیرآمدنی ہوگی۔