پاکستان
پائلٹ لائسنس، جعلی ڈگریاں، سینیٹ کی قائمہ کمیٹی ہوابازی کا اجلاس 6 جولائی کو طلب
سینیٹ کی قائمہ کمیٹی برائے ہوابازی کا اہم اجلاس 6جولائی کو طلب کرلیا گیا،پائلٹس لائسنس اور جعلی ڈگریوں کا معاملہ ایجنڈے میں شامل ہے۔
سینیٹ کی قائمہ کمیٹی برائے ہوابازی کا اہم اجلاس جمعرات(6 جولائی)کو طلب کرلیا گیا،اجلاس میں سول ایوی ایشن اتھارٹی کے پائلٹ لائسنس کا معاملہ ایجنڈے میں شامل ہے،
سینیٹ قائمہ کمیٹی ہوابازی نے پی آئی اے کے کل ملازمین کی تعداد، تعلیمی قابلیت اور پوسٹنگ کی تفصیلات طلب کرلی گئی،جعلی ڈگریوں پر پی آئی اے میں بھرتی ملازمین کی تفصیلات بھی طلب کی گئی ہیں.
پی آئی اے انتظامیہ نے کیا ایکشن لیا،قائمہ کمیٹی اجلاس کے ایجنڈے میں معاملہ شامل ہے،کراچی ائیرپورٹ پر اے ایس ایف اور کسٹمز اہلکاروں کے درمیان تنازعہ پر بھی سینیٹ کمیٹی نے جواب طلب کرلیا۔
بلوچستان میں قائم تمام ہوائی اڈوں پر منسوخ کی جانے والی پروازوں کی تفصیلات سی اے اے سے طلب کرلی گئی ہیں،سینیٹ قائمہ کمیٹی برائے ہوابازی کا اجلاس پارلیمنٹ ہاوس میں 6 جولائی کو دوپہر ڈھائی بجے ہوگا۔