لاہور ہائیکورٹ نے پرویز الٰہی کو نامعلوم مقدمات میں گرفتار کرنے سے روک دیا

لاہور ہائیکورٹ سے سابق وزیر اعلیٰ چودھری پرویز الٰہی کو بڑا ریلیف ملا ہے، عدالت نے چودھری پرویز الٰہی کو نامعلوم مقدمات میں گرفتار کرنے سے روک دیا۔

لاہور ہائیکورٹ کے جسٹس امجد رفیق نے پرویز الٰہی کی درخواست پر مختصر محفوظ فیصلہ سنادیا۔ عدالت نے چودھری پرویز الٰہی کی درخواست منظور کرلی۔

عدالت نے نیب، ایف آئی اے کی انکوائریوں میں بھی گرفتاری سے روک دیا،عدالت نے تھانہ غالب مارکیٹ مقدمہ میں پرویز الٰہی کی حفاظتی ضمانت منظور کرلی۔

عدالت نے چودھری پرویز الٰہی کو متعلقہ عدالت سے رجوع کرنے کی ہدایت کر دی، چودھری پرویز الٰہی کی درخواست میں نامعلوم کیسز گرفتار کرنے سے روکنے کی استدعا کی گئی تھی۔