3 ارب ڈالر کے حالیہ معاہدے کی کامیابی کے لیے پالیسی پر عمل درآمداہم ہے، آئی ایم ایف کا انتباہ

انٹرنیشنل مانیٹری فنڈ ( آئی ایم ایف ) نے خبردار کیا ہے کہ 9 ماہ کے لیے 3 ارب ڈالر کے سٹینڈ بائی ارینجمنٹ ( ایس بی اے) کی کامیابی کے لیے پالیسی پر عمل درآمد لازمی ہے، پالیسی سے انحراف معاہدے کو ناکامی سے دوچار کر سکتا ہے۔

آئی ایم ایف کی ڈائریکٹر آف کمیونیکیشنز جولی کوزیک نے ایک پریس بریفنگ کے دوران کہا کہ پاکستان کے ساتھ حال ہی میں طے پانے والے اسٹینڈ بائی ارینجمنٹ کا مقصد معیشت کو مستحکم  اور ادائیگیوں کے موجودہ توازن کی ضرورت کو پورا کرنے کے لیے ملک کی فوری کوششوں کی مدد کرنا ہے۔

جولی کوزیک نے کہا کہ سٹینڈ بائی ارینجمنٹ مختصر مدت کا ہے جو پاکستان کو اپنی اندرونی اور بیرونی مضبوطی کے لیے اہم پالیسیوں پر عمل درآمد کے لیے وقت فراہم کرتا ہے۔ معاشی صورتحال، اس طرح پائیداری کی حمایت کرتی ہے۔

ایک صحافی نے ا سے سوال کیا کہ سٹینڈ بائی ارینجمنٹ پاکستان کو معاشی مشکلات سے نکالنے کے لیے کافی ہوگا؟ تو جولی کوزیک نے کہا کہ پاکستان کے ڈھانچہ جاتی چیلنجوں کو حل کرنے کے لیے ممکنہ طور پر درمیانی مدت میں مسلسل اصلاحات کی ضرورت ہو گی تاکہ درکار معاشی تبدیلیوں کو تقویت دی جا سکے، جامع ترقی کے امکانات کو تقویت دی جا سکے، اور نجی سرمائے کی تجدید کے لیے سازگار ماحول پیدا کیا جا سکے۔

جولی کوزیک نے خبردار کیا کہ آگے کی مدت میں مستحکم پالیسی پر عمل درآمد اہم ہے۔ یہ پروگرام کی کامیابی کے لیے اور یقیناً بالآخر پاکستانی عوام کی مدد اور حمایت کے لیے اہم ہوگا۔

کوزیک کا یہ بیان ایسے وقت میں آیا ہے جب حکومت پاکستان نے نئے ایس بی اے کو سراہا ہے، اور بہت سے لوگوں نے اس معاہدے کو  حال ہی میں ختم ہونے والے توسیعی فنڈ سہولت میں اپ گریڈ کے طور پر دیکھا ہے۔