بہاول نگر سے کئی سیاسی عمائدین کی بلاول بھٹو سے ملاقات، پیپلز پارٹی میں شمولیت کا اعلان

پاکستان پیپلزپارٹی کے چیئرمین اوروزیرخارجہ بلاول بھٹو زرداری سے ملاقات کے بعد بہاول نگر سے مختلف سیاسی عمائدین نے پی پی پی میں شمولیت کا اعلان کیا ہے۔چیئرمین بلاول بھٹو زرداری سے ملاقات کے بعد پی ٹی آئی جنوبی پنجاب کی سینئر نائب صدر صدف سردار پی پی پی میں شامل ہو گئیں۔

بلاول بھٹو زرداری سے ملاقات کے بعد تحصیل بہاول نگر میں پی ٹی آئی کے جنرل سیکریٹری ادریس اشرف بھی پی پی پی میں شامل ہو گئے۔ بہاول نگر میں مسلم لیگ ق کے جنرل سیکریٹری شیخ فضل الہی نے بھی پی پی پی میں شامل ہونے کا اعلان کیا۔ بلاول بھٹو زرداری سے ملاقات میں پی ٹی آئی ضلع بہاول نگر کے سٹی صدر حماد اشرف پی پی پی میں شامل ہو گئے۔
چیئرمین بلاول بھٹو زرداری سے ملاقات کے بعد مسلم لیگ ن بہاول نگر کے نائب صدر سید شاہزیب قمر بھی پی پی پی کا حصہ بن گئے۔ ضلع بہاول نگر میں انجمن تاجران کے صدر ساجد محمود بھی پی پی پی میں شامل ہوئے۔
بلاول بھٹو زرداری نے پی پی پی میں شمولیت اختیار کرنے والوں کو خوش آمدید کہا۔