پاکستان
پولنگ سٹاف کو کل انتخابی سامان مل جائے گا، الیکشن کمشنر پنجاب
الیکشن کمشنر پنجاب اعجاز انور چوہان نے کہا ہے کہ پولنگ اسٹاف کو کل انتخابی سامان مل جائے گا۔پولنگ سامان کی ترسیل کے انتظامات مکمل ہیں۔
الیکشن کمشنر پنجاب اعجاز انور چوہان نے لاہور میں میڈیا سے بات کرتے ہوئے کہا کہ الیکشن کمیشن اپنی آئینی ذمہ داریاں پوری کرنے کیلئے تیار ہے،چیف الیکشن کمشنر کی ہدایات کی روشنی میں انتخابات کیلئے اقدامات کئے گئے۔
عجازانورچوہان نے کہا کہ مانیٹرنگ کیلئے مربوط نظام ترتیب دیا گیاہے،انتخابی عملے کو مجسٹریٹ درجہ اول کے اختیارات حاصل ہوں گے،الیکشن کمیشن سیکرٹریٹ میں مانیٹرنگ روم قائم کیا گیا ہے۔