صدر مملکت آصف علی زرداری نے عہدے کا حلف اٹھا لیا

نومنتخب صدر آصف علی زرداری نے اپنے عہدے کا حلف اٹھا لیا۔چیف جسٹس آف پاکستان جسٹس قاضی فائز عیسیٰ نے حلف لیا۔

سابق صدر ڈاکٹر عارف علوی، آرمی چیف جنرل عاصم منیر، چئیرمین جوائنٹ چیفس آف اسٹاف کمیٹی ساحر شمشاد سمیت تینوں مسلح افواج کے سربراہان، وزیر اعظم شہباز شریف، غیر ملکی سفراء، صدر آصف زرداری کے اہل خانہ، وزراء اعلیٰ، گورنرز اور دیگر نے شرکت کی، تاہم خیبرپختونخوا کے وزیراعلیٰ علی امین گنڈا پور تقریب میں نظر نہیں آئے۔

آصف علی زرداری کو صدارتی پروٹوکول اور سیکیورٹی فراہم کر دی گئی ہے جبکہ ان کا اہم سامان ایوان صدر منتقل کر دیا گیا ہے۔

آصف علی زرداری واحد سویلین ہیں جو دوسری مرتبہ صدر منتخب ہوئے ہیں، گزشتہ روز آصف علی زرداری نے 411 الیکٹورل ووٹ حاصل کیے تھے۔

ان کے مدِ مقابل سنی اتحاد کونسل کے نامزد کردہ امیدوار محمود خان اچکزئی کو 180 الیکٹورل ووٹ ملے تھے۔