دنیا
تصویر لینے کے لیے کار ریس، فوٹوگرافرز شہزادہ ہیری، میگھن کے تعاقب میں، خوفناک حادثہ ٹل گیا
شہزادہ ہیری اور انکی اہلیہ میگھن حادثے سے بال بال بچ گئے۔ برطانیہ کے کنگ چارلس کے صاحبزادے ڈیوک آف سسیکس ہیری اور انکی اہلیہ ایوارڈ تقریب سے واپسی پر فوٹوگرافروں کی گاڑیوں کے لگاتار تعاقب کرنے کے دوران خوفناک حادثے سے بال بال بچے۔
پرنس ہیری اور انکی اہلیہ کے ترجمان کے مطابق نیویارک میں ایک ایوارڈ تقریب میں شرکت کے بعد شہزادہ ہیری، میگھن مارکل اور ان کی والدہ جیسے ہی گاڑی میں سوار ہوکر نکلے تو فوٹوگرافروں کی گاڑیوں نے ان کا تعاقب شروع کردیا،فوٹوگرافروں کی جانب سے لگاتار دو گھنٹے تک ان کے تعاقب کا سلسلہ جاری رہا، فوٹو گرافروں سے پیچھا چھڑانے کیلئے تیز رفتاری کے باعث کئی مقامات پر ان کی گاڑی دوسری گاڑیوں اور پیادل افراد سے ٹکراتے ٹکراتے بال بال بچی۔
ترجمان کے مطابق تعاقب کرنے والی گاڑیوں کے ڈرائیورز کئی مقامات پر سگنل توڑ نے، فٹ پاتھوں پر گاڑیاں چڑھانے اور رکاوٹوں کو توڑنے کے ساتھ غیر ذمہ دارانہ ڈرائیونگ کرتے ہوئے تصاویر بھی بناتے رہے۔
نیویارک پولیس ڈیپارٹمنٹ نے اپنے ایک بیان میں واقعے کے تصدیق کرتے ہوئے کہا کہ فوٹوگرافروں کی درجنوں گاڑیوں نے ہیری اور میگھن کی گاڑی کا پیچھا کیا تھا،تاہم اس واقعے کے دوران نہ تو کوئی زخمی ہو ا اور نہ ہی پولیس کی جانب سے کسی کو گرفتار کیا گیا