جرمانے اور مقدمات کے خلاف احتجاج، لاہور کے نانبائیوں نے 8 مئی سے تنور بند کرنے کا اعلان کردیا

متحدہ نان روٹی ایسوس ایشن نے 8 مئی سے غیر معینہ مدت کے لیے لاہور بھر کے تنور بند کرنے کا اعلان کر دیا۔

آفتاب اسلم گل صدر متحدہ نان روٹی ایسوسی ایشن پنجاب نے بتایا کہ لاہور بھر کے تنور بند کرنے کا فیصلہ ایسوسی ایشن کے ہنگامی اجلاس میں کیا گیا۔

آفتاب اسلم گل نے کہا کہ ضلعی انتظامیہ کی طرف سے ناجائز جرمانے اور مقدمے درج کرنے کے خلاف بطور احتجاج تنور بند کیے جا رہے ہیں۔

آفتاب اسلم گل نے کہا کہ حکومت نے مشاورت کے بغیر روٹی اور نان کی قیمت مقرر کر دی،نان کی قیمت میں 10 روپے کمی سراسر ظلم اور زیادتی ہے۔

آفتاب اسلم گل نے کہا کہ حکومت نے مشاورت کر کے روٹی اور نان کی قیمت دوبارہ مقرر نہ کی تو ہڑتال ختم نہیں ہو گی، آٹا اتنا سستا نہیں ہوا جتنی روٹی اور نان کی قیمت مقرر کر دی گئی۔

آفتاب اسلم گل نے کہا کہ اپنی مرضی سے روٹی اور نان کی قیمت مقرر کر کے تنور مالکان کے خلاف ناجائز کاروائیاں جاری ہیں۔