پاکستان
پی ٹی آئی لاہور کے صدر نے اپنی بدزبانی پر مریم نواز سے معافی مانگ لی
پی ٹی آئی لاہور کے صدر جمیل اصغر بھٹی نے وزیراعلیٰ پنجاب مریم نواز کے متعلق الیکشن مہم کے دوران بدزبانی پر معافی مانگ لی۔
جمیل اصغر بھٹی نے ایک ویڈیو بیان جاری کیا ہے جس میں کہا مریم نواز بلا شبہ میری بہن اور بیٹی کی طرح ہیں، کاغذات کی جانچ پڑتال کے وقت میں نے مریم نواز سے متعلق انتہائی غلط بات کی۔
ان کا کہنا ہے کہ مریم نواز سے متعلق جذبات میں آ کر غلط بات کر گیا، مریم نواز ہمارے ملک کی لیڈر ہیں، میں ہاتھ جوڑ کر ان سے معافی مانگتا ہوں۔
صدر پی ٹی آئی لاہور جمیل اصغر بھٹی نے مزید کہا ہے کہ میں سمجھتا ہوں کہ مریم نواز سمیت کسی بھی خاتون سے متعلق ایسی بات نہیں کرنی چاہیے، خواتین کی عزت کو ہمیشہ ملحوظ رکھا جانا چاہیے۔
پی ٹی آئی لاہور کے صدر جمیل اصغر بھٹی نے بد زبانی پر معافی مانگ لی ! pic.twitter.com/cvmfvZpcHT
— Nasrullah Malik (@NasrullahMalik1) March 7, 2024
ان کا یہ بھی کہنا ہے کہ میں خواتین کو ہمیشہ بہن اور بیٹی کے روپ میں دیکھتا ہوں، پارٹی قائدین اور کارکنوں سے درخواست ہے کہ ہرکسی کی ماں، بہن اور بیٹی کی عزت مقدم سمجھیں۔