کھیل
مذہب یا معاوضہ؟ سٹار فٹبالر سعودی پرولیگ کیوں جوائن کر رہے ہیں؟
![](https://urduchronicle.com/wp-content/uploads/2023/06/karim-benzima-1.jpg)
مغربی دنیا میں فٹبال اس قدر مقبول کھیل ہے کہ بعض اوقات اس کا موازنہ مذہب سے کیا جاتا ہے لیکن مذہبی بنیاد پر کسی فٹبالر کا کسی کلب کو جوائن کرنا عام نہیں تھا۔ فرانسیسی فٹبالر کریم بنزیما کا سعودی عرب کے الاتحاد کلب کو جوائن کرنا مذہبی وابستگی کی بنیاد پر کلب کو جوائن کرنے کا پہلا مگر آخری واقعہ نہیں، مزید کئی مسلمان کھلاڑی یورپی کلبوں کو چھوڑ کر سعودی کلب جوائن کرنے کے معاہدوں پر بات کرتے رہے ہیں۔
مسلم فٹبالرز کا صرف مذہبی بنیاد پر سعودی کلب جوائن کرنا بھی تصویر کا حقیقی رخ نہیں، یہ درست ہے کہ مذہب ایک عنصر ہے تاہم سعودی کلبوں کی جانب سے بھاری تنخواہین بھی ایک بنیادی وجہ ہیں۔
کریم بنزیما فرانس کے سٹار فٹبالر اور سعودی کلب جوائن کرنے والے پہلے مسلمان یورپی فٹبالر ہیں، ان سے پہلے کرسٹیانو رونالڈو نے سعودی کلب جوائن کیا لیکن اس کی وجہ مذہب نہیں صرف پیسہ تھا۔ سعودی پرولیگ میں سعودی عرب کا سرکاری انویسٹمنٹ فنڈ بھاری رقم لگا رہا ہے۔
کریم بنزیما نے سعودی کلب جوائن کرتے ہوئے پہلی پریس کانفرنس میں اس بات کا اظہار بھی کیا، ان سے پوچھا گیا کہ انہوں نے سعودی لیگ کا انتخاب کیوں کیا؟ کریم بنزیما نے جواب میں کہا کہ میں مسلمان ہوں، یہ مسلمان ملک ہے، میں ہمیشہ سے یہاں رہنا چاہتا تھا۔ میرے خاندان سعودی عرب آکر خوش ہے کیونکہ ہم حرمین شریفین کے قریب آ گئے ہیں اور میں اس سے پہلے دو بار عمرہ کے لیے آ چکا ہوں۔
کریم بنزیما نے کہا کہ سعودی کلب جوائن کرنے سے مجھے زندگی نئے انداز میں گزارنے کا موقع ملے گا، میں عربی سیکھنا اور روانی سے بولنا چاہتا ہوں۔
کریم بنزیما سپین کے ریال میڈرڈ کلب سے وابستہ تھے، وہ پانچ بار چیمپئنز لیگ ٹائٹل جیتنے اور رونالڈو کے بعد کلب کی تاریخ میں سب سے زیادہ گول کرنے والے کھلاڑی ہیں۔
فرانس کے ایک اور سپر سٹار این گولو کانتے بھی سعودی کلب الاتحاد کو جوائن کریں گے، این گولو کانتے بھی رمضان کے روزے پابندی سے رکھتے ہیں اور عمرہ ادا کر چکے ہیں۔
دیگر مسلمان فٹبالر مانچسٹر سٹی کے ریاد مہریز، چیلسیا کے حکیم زیچ اور یاسین بونو کے بارے میں بھی کہا جا رہا ہے کہ وہ سعودی کلبوں کو جوائن کر رہے ہیں۔
عرب صحافیوں کا کہنا ہے کہ مسلمان کھلاڑی جو کیرئیر کے عروج پر ہیں اور وہ سعودی عرب اپنے خاندان کے ساتھ منتقل ہو رہے ہیں وہ ایک مسلم معاشرے میں رہنے کے موقع کو پرکشش تصور کرتے ہیں۔
پچھلے سال قطر میں ہونے والے ورلڈ کپ نے مسلم ملکوں میں فٹبال سے دلچسپی کو نمایاں کیا اور اس کے ساتھ مسلمان فٹبالرز کو ایک ایسی جگہ کھیلنے کا موقع ملا جہاں انہیں اپنے عقیدے کے مطابق عبادت کے مواقع بھی میسر آئے، جہاں کا ماحول مغرب سے مختلف تھا۔
کریم بنزیما کو الاتحاد کلب سے 200 ملین ڈالرز سالانہ ملیں گے جو رونالڈو کے معاوضے کے برابر ہیں، کانتے کو 107 ملین ڈالر سالانہ ملیں گے، کئی کھلاڑیوں کے لیے تنخواہ زیادہ اہم ہے اور یورپی کلب سعودی عرب کے معاوضوں کے مقابلے کی سکت نہیں رکھتے۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی