سپین کے کوسٹ گارڈز نے 6 عورتوں سمیت 86 تارکین وطن کو سمندر میں ڈوبنے سے بچا لیا

سپین کے کوسٹ گارڈز نے جزائر قناری کے قریب سب سہارن افریقا کے 86 تارکین وطن کو سمندر میں ڈوبنے سے بچا لیا، ان تارکین وطن کو ایک ریسکیو ہوائی جہاز نے تلاش کیا تھا۔

سپین کوسٹ گارڈز کا کہنا ہے کہ سینیگال سے 200 افراد کے ساتھ روانہ ہونے والی کشتی کی تلاش کے دوران 6 عورتوں اور 80 مردوں کو ریسکیو کیا گیا، ریسکیو کئے افراد کی عمریں نہیں بتائی گئیں۔

کوسٹ گارڈز ترجمان کا کہنا ہے کہ جب ریسکیو ہوائی جہاز نے اس کشتی کو تلاش کیا تو خیال تھا کہ اس میں 200 افراد سوار ہیں، یقین سے تو نہیں کہہ سکتے تاہم خیال کہ یہی کشتی ہے جس کی تلاش تھی۔

بعد میں ترجمان نے وضاحت کی کہ ہوائی جہاز کے عملے کو غلط فہمی ہوئی تھی کیونکہ فضا سے تعداد کا اندازہ لگانا مشکل ہے۔

صورت حال واضح نہیں ہوسکی اور ترجمان نے کہا کہ وہ کچھ نہیں کہہ سکتیں کہ کوئی اور کشتی بھی تھی یا نہیں۔

واکنگ مائگرینٹس نامی امدادی گروپ کا کہنا ہے کہ کشتی 200 افراد کے ساتھ سینیگال سے روانہ ہوئی تھی۔ اس کشتی پر کئی بچے بھی تھے۔ امدادی گروپ کا کہنا ہے کہ مزید دوکشتیاں ابھی تک لاپتہ ہیں۔