روس یوکرین لڑائی،خیرسون کا بڑا ڈیم ٹوٹ گیا،22 آبادیوں کی نقل مکانی، جوہری پلانٹ کے لیے خدشات نے سر اٹھا لیا

جنوبی یوکرین میں روس اور یوکرینی افواج کے درمیان حائل دریائے دنیپرو پر بنا ڈیم ٹوٹ گیا، ڈیم سے ایک طوفان کی صورت نکلنے والے پانی نے ڈیم کے دونوں اطراف آبادیوں کو نقل مکانی پر مجبور کردیا اور پانی وسیع جنگلی علاقے تک پھیل گیا۔

یوکرین نے الزام لگایا ہے کہ روس نے جان بوجھ کر ڈیم پر حملہ کیا جو ایک جنگی جرم ہے، روس کے زیر قبضہ یوکرین کے علاقے خیرسون میں روس کے مقرر کردہ حکام نے ڈیم ٹوٹنے کےحوالے سے متضاد بیانات دیئے ہیں۔ روس کے نمائندہ حکام میں سے کچھ نے یوکرین کی فوج پر الزام دھرا اور کچھ نے کہا کہ ڈیم خود ہی ٹوٹ گیا، یہ ڈیم  کریمیا کے علاقے میں قائم یوکتین کے جوہری پلانٹ کو پانی سپلائی کرتا ہے۔ ڈیم اور جوہری پلانٹ دونوں ہی روس کے کنٹرول میں ہیں۔

ڈیم ٹوٹنے سے علاقے میں نیا انسانی المیہ جنم لے چکا ہے،اس علاقے پر قابض روسی افواج کو نکالنے کے لیےیوکرین نےایک بڑا فوجی حملہ کیا ہے اور علاقہ پہلے ہی جنگ سے پیدا انسانی المیے سے دوچار ہے۔

روس اس جنگ کی ابتدا ہی میں اس ڈیم پر قبض ہوگیا تھا اگرچی یوکرین کی افواج نے دریا کا شمالی کنارا دوبارہ قبضے میں لے لیا ہے، دونوں طرف سے ایک دوسرے پر عرصہ سے الزام تراشی ہو رہی تھی کہ وہ اس ڈیم کو توڑنے کا منصوبہ بنا رہے ہیں۔

یوکتین کے صدر زیلنسکی نے ٹیلیگرام پر لکھا کہ روسی دہشتگرد، کاخوفکا ہائیڈرو پاور پلانٹ ڈیم کی تباہی اس بات کی تائید کرتی ہے کہ انہیں یوکرین سے سے نکالا جائے، روس نے ڈیم کے ڈھانچے کو اندر سے توڑا اور تقریبا 80 آبادیاں سیلاب کی زد میں ہیں۔

روس کے مقرر کردہ خیرسون کے گورنر نے یوکرین پر اس ڈیم پر میزائل حملے کا الزام لگایا تاکہ اس علاقے میں وہ اپنی جنگی ناکامی سے توجہ ہٹا سکے،ایک اور روسی عہدیدار نے کہا کہ ڈیم پہلے سے ہونے والے نقصان کی وجہ سے خود ٹوٹا، فریقین نے ایک دوسرے پر الزامات کے حق میں کوئی ثبوت پیش نہیں کیا۔

یہ بڑا ڈیم وسیع زرعی رقبے کو سیراب کرتا ہے، اس ڈیم سے کریمیا کا علاقہ بھی سیراب ہوتا ہے جس کو 2014 میں روس نے ضم کر لیا تھا۔ یہ ڈیم یورپ کے سب سے بڑے جوہری پلانٹ کو بھی کولنگ کے لیے پانی مہیا کرتا ہے۔

جوہری توانائی سے متعلق اقوام متحدہ کے ادارے کا کہنا ہے کہ علاقے کی صورت حال پر نظر رکھے ہوئے ہیں اور فوری طور پر پلانٹ کو کوئی سکیورٹی رسک درپیش نہیں۔

ڈیم کی قریب ترین آبادی میں داخل ہوعنے والے پانی کی سطح 12 میٹرز تک بلند ہے،ڈیم سے تیس میٹرز تک بلند پانی کی لہریں نکلتی دیکھی گئیںجنوبی خیرسون کی 14 آبادیاں پانی کی زد میں ہیں اور یہاں مقیم افراد کی تعداد کا اندازہ 22 ہزار ہے۔

کریمیا کے گورنر کا کہنا ہے کہ جنوبی کریمیا کینال میں پانی کی سطح بڑھنے سے خطرہ پیدا ہو سکتا ہے جس کا اندازہ چند دن میں ہوگا۔