نیٹ فلکس کی مقبول سیریز”اسکوئیڈ گیمز” کے سیزن 2 کا اعلان

آن لائن اسٹریمنگ پلیٹ فارم نیٹ فلکس کی مقبول ترین ویب سیریز ’اسکوئیڈ گیمز‘ کے دوسرے سیزن کا اعلان ہوگیا ہے، نئی سیریز کی کہانی 456 امیدواروں کے گرد گھومتی ہے جو زندگی اور موت کی خوفناک جنگ لڑیں گے۔

غیرملکی میڈیا رپورٹس کے مطابق سنسنی سے بھرپوراس سیریز کا نیا سیزن “Squid Game: The Challenge”  ریئلٹی شو “Spin off” کے فارمیٹ پر بنایا گیا ہے۔

میڈیا رپورٹس کے مطابق اس باراس گیم سیریزمیں ایک نیا ٹوئسٹ بھی موجود ہے جو ناظرین کے رونگٹے کھڑے کردے گا،نئی سیریز کی کہانی 456 امیدواروں کے گرد گھومتی ہے جو زندگی اور موت کی خوف ناک جنگ لڑیں گے اور جیتنے والے کو 4.56 ملین ڈالرز کی انعامی رقم سے نوازا جائے گا۔

اسکوئیڈ گیمز  کے دوسرے سیزن  کی ریلیز کب ہوگی فی الحال اس کی تاریخ کا اعلان ابھی نہیں کیا گیا ہے تاہم نیٹ فلکس کے مطابق اس کا پریمیئر نومبر میں کیا جائے گا۔