کلائمیٹ چینج اتھارٹی تشکیل نہ دینے پر سیکرٹری کلائمیٹ چینج عدالت طلب، توہین عدالت کارروائی کا عندیہ

سپریم کورٹ نے موسمیاتی تبدیلی اتھارٹی کیس میں 30 جولائی کی سماعت کا تحریری حکم نامہ جاری کردیا،سپریم کورٹ نے سیکرٹری وزارت موسمیاتی تبدیلی کیخلاف توہین عدالت کی کارروائی کا عندیہ دے دیا،سپریم کورٹ کا حکم نامہ میں کہنا ہے کہ یکم جولائی کو پندرہ دن میں موسمیاتی تبدیلی اتھارٹی فعال کرنے کا حکم دیا تھا،مون سون سیزن شروع ہو چکا اس لئے عدالت جلد اتھارٹی فعال دیکھنا چاہتی ہے،15 اگست تک اتھارٹی فعال نہ ہوئی تو سیکرٹری موسمیاتی تبدیلی ذاتی حیثیت میں پیش ہوں۔

سپریم کورٹ نے تحریری حکم نامہ میں کہا کہ وزارت کلائیمیٹ چینج اتھارٹی فعال کرنے میں سنجیدہ نظر نہیں آتی،15 اگست تک اتھارٹی فعال نہ ہوئی تو سیکرٹری موسمیاتی تبدیلی ذاتی حیثیت میں پیش ہوں۔

سپریم کورٹ کے آرڈر میں کہا گیا کہ سیکرٹری موسمیاتی تبدیلی سے جواب لیا جائے گا کہ کیوں کہ ان کیخلاف توہین عدالت کی کارروائی کی جائے،موسمیاتی تبدیلی کے حوالے سے قانون سات سال پہلے بنا لیکن اتھارٹی آج تک قائم نہ ہوسکی۔

عدالت نے قرار دیا کہ سیکرٹری کلائیمیٹ چینج موسمیاتی تبدیلی سے درپیش چیلنجز اور نمٹنے کیلئے حکومتی اقدامات سے آگاہ نہ کرسکے،چیف سیکرٹری پنجاب نے بتایا کہ صوبے میں موسمیاتی تبدیلی سے نمٹنے کیلئے کوئی پالیسی موجود نہیں،پنجاب حکومت نے پالیسی سازی کیلئے ایک ماہ کی مہلت مانگنے کی استدعا منظور کی جاتی ہے۔

حکم نامہ میں کہا گیا کہ -چیف سیکرٹری سندھ نے صوبائی حکومت کے موسمیاتی تبدیلی کے حوالے سے اقدامات سے آگاہ کیا،سندھ حکومت موسمیاتی تبدیلی سے نمٹنے کیلئے کافی متحرک نظر آتی ہے۔
عدالت نے وفاقی حکومت کے معاملے پر اٹارنی جنرل کو آئندہ سماعت پر معاونت کی ہدایت کر دی۔