پاکستان
نواز شریف کی اسلام آباد ہائیکورٹ پیشی کے لیے سکیورٹی سرکلر جاری
سابق وزیرِ اعظم نواز شریف کی 29 نومبر کو اسلام آباد ہائی کورٹ میں پیشی سے قبل سیکیورٹی انتظامات کے حوالے سے رجسٹرار آفس نے قواعد و ضوابط سے متعلق سرکلر جاری کر دیا۔
ایون فیلڈ اور العزیزیہ ریفرنسز میں سزا کے خلاف چیف جسٹس عامر فاروق اور جسٹس گل حسن اورنگزیب 29 نومبر کو اپیلوں پر سماعت کریں گے۔
سرکلر کے متن کے مطابق آئی جی اسلام آباد نواز شریف کی پیشی پر مناسب سیکیورٹی انتظامات یقینی بنائیں، کمرۂ عدالت نمبر ایک میں داخلہ رجسٹرار آفس کے جاری پاسز سے مشروط ہو گا۔
رجسٹرار آفس نے سرکلر میں کہا ہے کہ درخواست گزار کی قانونی ٹیم اور 25 رہنماؤں کو کمرۂ عدالت داخلے کی اجازت ہو گی جبکہ اٹارنی جنرل، ایڈووکیٹ جنرل کے 5، 5 سرکاری وکلاء کو کمرۂ عدالت داخلہ کی اجازت ہو گی۔
سرکلر میں یہ بھی کہا گیا ہے کہ اسلام آباد ہائی کورٹ جرنلسٹ ایسوسی ایشن کے 15 صحافیوں کو کمرۂ عدالت داخلے کی اجازت ہو گی جبکہ عدالت کے ملازمین ان انٹری پاسز سے مستثنیٰ ہوں گے۔