تازہ ترین
خیبر پختونخوا میں سینیٹ کے الیکشن ملتوی کر دیے گئے
![](https://urduchronicle.com/wp-content/uploads/2024/04/senate-elections-were-postponed-in-khyber-pakhtunkhwa.jpg)
خیبر پختونخوا میں سینیٹ انتخابات ملتوی کر دیے گئے،صوبائی الیکشن کمشنر شمشاد خان نے سینیٹ الیکشن ملتوی ہونے کا اعلان کردیا۔
الیکشن کمیشن کا عملہ خیبرپختونخوااسمبلی سے واپس چلا گیا۔
چیف الیکشن کمشنر سکندر سلطان راجہ کی سربراہی میں 5 رکنی کمیشن نے خیبرپختونخوا میں سینیٹ الیکشن ملتوی کرنے کا تحریری حکم نامہ جاری کیا۔
تحریری حکم میں کہا گیا کہ الیکشن کمیشن نے آئین کے آرٹیکل 218 تین اور الیکشن ایکٹ کے تحت اختیارات استعمال کرتے ہوئے انتخابات ملتوی کیے۔
الیکشن کمیشن نے کہا کہ خیبر پختونخوا اسمبلی کے نو منتخب ارکان سے حلف نہ لینے پر سینیٹ انتخابات ملتوی کیے گئے، نو منتخب ارکان خیبرپختونخوا اسمبلی کے حلف تک انتخابات روک دئیے گئے ہیں۔
اس سے پہلے خیبرپختونخوا میں اپوزیشن اراکین نے سینیٹ الیکشن ملتوی کرانے کےلیے صوبائی الیکشن کمشنر کو درخواست جمع کرائی تھی۔
درخواست میں مؤقف اختیار کیا گیا تھا کہ اپوزیشن کے 25 اراکین اسمبلی سے حلف نہیں لیا گیا،پیپلزپارٹی کے احمد کریم کنڈی نے درخواست صوبائی الیکشن کمشنر کو جمع کرائی۔
اپوزیشن کی درخواست کے حوالے سے صوبائی الیکشن کمشنر نے چیف الیکشن کمشنر سے رابطہ کیا تھا۔
واضح رہے کہ الیکشن کمیشن آف پاکستان نے خبردار کیا تھا کہ اگر خیبرپختونخوا اسمبلی میں مخصوص نشستوں پر نومنتخب اراکین کو سینیٹ سے پہلے حلف نہ دلایا گیا تو صوبے کی حد تک سینیٹ الیکشن ملتوی کردیا جائے گا۔
-
کھیل11 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل9 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
تازہ ترین3 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
تازہ ترین4 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی