کھیل
ایک اوور میں 4 چھکے، شاہین آفریدی سوشل میڈیا پر ٹاپ ٹرینڈ بن گئے
انگلینڈ میں جاری ٹی 20 بلاسٹ میں قومی ٹیم کے کھلاڑیوں کی شاندار پرفامنس کا سلسلہ جاری ہے، کبھی زمان خان، تو کبھی شاداب، کبھی نسیم اور اب شاہین شاہ آفریدی نے زبردست پرفارمنس سے سب کو حیران کردیا۔
نوٹنگھم آؤٹلاز کی نمائندگی کرتے ہوئے شاہین شاہ آفریدی باؤلنگ میں کچھ خاص کارگردگی نہ دکھا سکے اور 4 اوورز میں 45 رنز دے کر ایک وکٹ حاصل کرسکے مگر جب بیٹنگ کرنے آئے تو ساری کسر نکال دی۔
Shaheen Afridi smashes Michael Bracewell for FOUR sixes. He scored 29 runs off just 11 balls 🔥🔥🔥 #T20Blast #Blast23 pic.twitter.com/0AbgjgxJK8
— Farid Khan (@_FaridKhan) June 2, 2023
شاہین آفریدی نے جارحانہ بیٹنگ کا مظاہرہ کرتے ہوئے کیوی باؤلر مائیکل بریس ویل کو ایک اوور میں 4 چھکے جڑ دئیے۔
شاہین آفریدی کی 11 گیندوں پر 29 رنز کی ناقابل شکست اننگز بھی ان کی ٹیم ناٹنگھم آؤٹلاز کو شکست سے نہ بچا پائی اور انکی ٹیم 56 رنز سے میچ ہار گئی۔