شیر افضل کا کچھ کہنا معنی نہیں رکھتا، وہ جو عہدہ لینا چاہتے تھے کامیاب نہیں ہوئے، رؤف حسن

ترجمان پی ٹی آئی  رؤف حسن نے کہا ہے کہ شیر افضل مروت کا کچھ کہنا معنی نہیں رکھتا،شیر افضل مروت جو عہدہ لینا چاہتے ہیں اس میں وہ کامیاب نہیں ہوئے،شیر افضل مروت ہمارے ایم این اے اور پارٹی ورکر ہیں۔

نیو نیوز کے پروگرام ’ نیوز ٹاک‘ میں گفتگو کرتے ہوئے رؤف حسن نے کہا کہ عمران خان کے ساتھ میری ملاقات میں پبلک اکاؤنٹس کمیٹی  زیر بحث نہیں آئی،پبلک اکاؤنٹس کمیٹی کا فیصلہ عمران خان نے کرنا ہے،عمران خان نے پولیٹیکل کمیٹی کی پبلک اکاؤنٹس بارے رائے مانگی، ہم نے عمران خان کو پبلک اکاؤنٹس بارے اپنی رائے دی۔

رؤف حسن نے کہا کہ ہم شیر افضل مروت کا مشکل وقت میں احتجاجی تحریکیں چلانے کو نظرانداز نہیں کرتے،پی ٹی آئی پر ایسا دور گزرا کہ رہنما جلسے نہیں کرسکتے تھے،پی ٹی آئی کا جو ذمہ دار جلسوں کیلئے باہر نکلتا وہ گرفتار کرلیا جاتا تھا،شیر افضل مروت کا یہ کہنا کہ میں اکیلا ہی پارٹی کیلئے کام کرتا رہا وہ درست نہیں،پی ٹی آئی رہنما جو جہاں تھا وہاں سے پارٹی کیلئے کام کرتا رہا۔

رؤف حسن نے کہا کہ پاکستان کی سب سے بڑی جماعت کو سیاسی جماعت نہ کہنا درست نہیں،ہم کیمرے کے سامنے بیٹھ کر اکثر ایسی باتیں کردیتے ہیں جس کا حقیقت سے کوئی تعلق نہیں،ہونے والی پریس کانفرنس نفرت پر مبنی تھی،کیا کسی فرد واحد کے کہنے پر کوئی سیاسی پارٹی غیر سیاسی ہوجائے گی۔