پنجاب میں طلبہ و طالبات کو 7 سال بعد دوبارہ مفت لیپ ٹاپ دیے جائیں گے

پنجاب کے طلبہ کو 7سال بعد دوبارہ جدید ترین لیپ ٹاپ دیے جائیں گے۔ وزیراعلیٰ پنجاب مریم نواز  نے لیپ ٹاپ سکیم کی منظوری دے دی۔

وزیراعلیٰ مریم نواز کی زیر صدارت ہائر ایجوکیشن سیکٹر ریفارمز کے حوالے سے اجلاس میں اہم فیصلے کئے گئے۔ ہائر ایجوکیشن کے فروغ، لیپ ٹاپ اورطالبات کو ٹرانسپورٹ کی سہولت پر تفصیلی بریفنگ دی گئی۔

پسماندہ اضلاع میں ترجیحی بنیادوں پر نئی یونیورسٹیاں اور کالجز بنانے پر اتفاق کیا گیا۔مریم نواز نے کہا کہ ہر ضلع میں انٹرنیشنل سٹینڈرڈ کی یونیورسٹی اور تحصیل کی سطح پرکالج ہمارے اہداف میں شامل ہیں،وزیراعظم شہباز شریف کے تعلیمی ایمرجنسی اعلان کا خیرمقدم کرتے ہیں۔

مریم نواز نے کہا کہ سکول ایجوکیشن اور ہائر ایجوکیشن سیکٹر کو مکمل ری ویمپ کرنے کی ضرورت ہے۔صوبے بھر میں طلبہ کو20 ہزاور موٹر بائیکس دے رہے ہیں۔پنجاب حکومت نالج اکانومی اور آئی سی ٹی تعلیم کے فروغ کیلئے سرمایہ کاری کر رہی ہے۔

بریفنگ میں بتایا گیا کہ مسلم لیگ ن کے اداوارمیں ہائر ایجوکیشن کا بجٹ زیادہ رہا،پنجاب میں نجی اور سرکاری یونیورسٹیوں میں ساڑھے 6لاکھ سے زائد طلبہ زیر تعلیم ہیں،یونیورسٹیوں میں زیر تعلیم طلبہ میں لڑکوں کا تناسب 44اور لڑکیوں کا تناسب 56 فیصد ہے۔

اجلاس میں سینئر صوبائی وزیر مریم اورنگزیب، صوبائی وزیر تعلیم رانا سکندر حیات، وزیر اطلاعات عظمیٰ زاہد بخاری، چیف سیکرٹری، سیکرٹری ہائر ایجوکیشن اور دیگر حکام نے شرکت کی۔