قرضوں کے شیطانی چکر سے نکلنے کی پاکستانی کوششوں کی حمایت کرتے ہیں، ترجمان امریکی محکمہ خارجہ

امریکی محکمہ خارجہ کے ترجمان نے کہا ہے کہ ہم قرضوں اور بین الاقوامی مالیات کے شیطانی چکر سے آزاد ہونے کے لیے پاکستان کی کوششوں کی حمایت کرتے ہیں۔

معمول کی پریس بریفنگ کے دوران ترجمان میتھیو ملر سے سوال کیا گیا کہ عمران خان، سابق وزیر اعظم، نے آئی ایم ایف سے کہا ہے کہ وہ کسی بھی مزید بیل آؤٹ مذاکرات میں ملک کے سیاسی استحکام کو اہمیت دے۔ اور جیسا کہ امریکہ جانتا ہے، پاکستان کو اکیلے مارچ میں 2 بلین کی ضرورت ہے تاکہ معاشی خرابی سے بچا جا سکے۔ پی ٹی آئی کی جانب سے آئی ایم ایف سے رابطہ کرنے اور انتخابی دھاندلی کے بارے میں بات کرنے کی اس کوشش کو آپ کیسے دیکھتے ہیں؟

اس پر ترمان میٹھیو ملر نے کہا کہ میں آئی ایم ایف کے حوالے سے صرف اتنا کہوں گا کہ ہم قرضوں اور بین الاقوامی مالیات کے شیطانی چکر سے آزاد ہونے کے لیے پاکستان کی کوششوں کی حمایت کرتے ہیں۔ پاکستان کی حکومت کی طویل مدتی صحت یا معیشت اس کے استحکام کے لیے اہم ہے۔ پاکستان کی نئی حکومت کو فوری طور پر معاشی صورتحال کو ترجیح دینی چاہیے کیونکہ آئندہ کئی ماہ کی پالیسیاں پاکستانیوں کے لیے معاشی استحکام کو برقرار رکھنے کے لیے انتہائی اہم ہوں گی۔ اور ہم پاکستان پر زور دیتے ہیں کہ وہ آئی ایم ایف اور دیگر بین الاقوامی مالیاتی اداروں کے ساتھ میکرو اکنامک اصلاحات کے لیے کام جاری رکھے۔

ایک اور سوال کیا گیا کہ گزشتہ ہفتے امریکہ میں چار غیر ملکی شہریوں پر بحیرہ عرب میں امریکی بحری افواج کی جانب سے روکے جانے والے جہاز پر ایرانی ساختہ ہتھیاروں کو لے جانے کا الزام عائد کیا گیا تھا۔ اب پاکستانی حکام نے بتایا ہے کہ انہوں نے ان میں سے چار تک قونصلر رسائی کے لیے امریکہ سے رابطہ کیا ہے۔ کیا آپ کے پاس اس پر کوئی اپ ڈیٹ ہے؟

اس پر ترجمان نے کہا کہ اس سوال کا جواب محکمہ انصاف دے سکتا ہے، جب لوگوں کو وفاقی تحویل میں لیا جاتا ہے، تو وہ محکمہ انصاف کے پاس ہوتے ہیں، اور یہی محکمہ قونصلر رسائی کے معاملات کا فیصلہ کرتا ہے۔