تازہ ترین
قوم پرستی کے نام پر دہشتگردی کا بازار گرم ہے، دہشتگردوں کو دہشتگرد پکارا جائے، وزیراعلیٰ بلوچستان
وزیراعلیٰ بلوچستان سرفراز بگٹی نے کہا ہے کہ دہشت گردوں کی کوئی قوم یا کوئی مذہب نہیں،دہشت گردوں کو صرف دہشت گرد ہی پکارا جائے۔
سرفراز بگٹی نے میڈیا سے بات کرتے ہوئے کہا کہ نوشکی واقعے پر تحقیقات کریں گے،جو بھی ذمہ دار ہوگا کارروائی کریں گے،دہشت گردوں کی جانب سے شہریوں کو شہید کیا جارہا ہے۔
سرفراز بگٹی نے کہا کہ معصوم جانوں کا خون بہائیں گے تو بدلہ ضرور لیں گے،ملک کا شہریوں کی جان و مال کا تحفظ ہونا چاہیے،دہشت گردوں کو ان کے کئے کی سزا ضرور ملے گی۔
سرفراز بگٹی نے کہا کہ مذاکرات سے مسئلہ حل ہوتا ہے تو کوئی اعتراض نہیں،ہم اپنا پورا سکیورٹی پلان ری وزٹ کریں گے،قتل و غارت جاری رہے یہ نہیں ہوسکتا، ریاست کی رٹ بحال کرینگے۔
سرفراز بگٹی نے کہا کہ جس نے سہولت کاری کا کردار ادا کیا ان کا تعاقب کریں گے،ملک کے چھپے چھپے کی حفاظت کریں گے،جوائنٹ پیٹرولنگ بناکر سکیورٹی کا جائزہ لیں گے۔
وزیراعلیٰ بلوچستان نے کہا کہ سکیورٹی فورسز نے بے شمار قربانیاں دیں،قوم پرستی کے نام پر دہشت گردی کا بازار گرم ہے۔