پاکستان

احتساب عدالت کے جج نے اڈیالپہ جیل کے کمرہ عدالت میں کھڑی کی گئی اضافی دیواریں ہٹوادیں

Published

3 مہینے ago

اپریل 19, 2024

سینٹرل جیل اڈیالہ میں 190 ملین پاؤنڈز ریفرنس پرسماعت کے دوران احتساب عدالت کے جج نے جیل انتظامیہ کو گزشتہ سماعت پر عدالت میں کھڑی کی گئی دیواروں کو فوری طور پر ہٹانے کا حکم دیا۔ عمران خان اور بشری بی بی کے طبی معائنے کی درخواستوں کو بھی منظور کر لیا۔

احتساب عدالت اسلام آباد کے جج ناصر جاوید رانا نے 190 ملین پاؤنڈز ریفرنس پر سماعت کی۔ عدالت نے عمران خان اور بشریٰ بی بی کے طبی معائنے کی درخواستیں منظور کرتے ہوئے بشری بی بی کا انڈوسکوپی ٹیسٹ آئندہ دو روز میں ڈاکٹر عاصم یونس اور سرکاری ڈاکٹر کے زیر نگرانی کروانے کا حکم دیا۔

دوران سماعت جج ناصر جاوید رانا نے جیل انتظامیہ کو عدالت میں نصب اضافی دیواروں کو فوری ختم کرنے کا حکم دیتے ہوئے کہا کہ جب تک یہ دیواریں ہٹائی نہیں جاتیں سماعت آگے نہیں بڑھائی جائے گی۔

سماعت میں ایک گھنٹہ کے وقفہ کے دروان عدالت میں نصب کچھ لکڑی کی دیواروں کو جیل انتظامیہ نے ہٹا دیا۔ دوسری جانب وکلاء صفائی نے دوران سماعت میڈیا کو مشکلات سے متعلق درخواست دائر کی جس پر جج ناصر جاوید رانا نے میڈیا نمائندگان کو روسٹرم پر بلایا۔

عدالتی حکم پر عمران خان بھی روسٹرم پر آگئے۔ جج نے میڈیا نمائندگان سے سماعت میں درپیش مشکلات سے متعلق استفسار کیا؟

صحافیوں نے جواب دیا کہ عدالتی کاروائی کو سننے میں مشکلات ہیں۔ عدالت نے جیل انتظامیہ کو اس حوالے سے اقدامات اٹھانے کی ہدایت کر دی۔

Up Next

کمرہ عدالت میں پریس کانفرنس نہ کیا کریں، عدالت، خود سے منسوب غلط بیانات کی وضاحت کرنا پڑتی ہے، عمران خان

Don't Miss

راولپنڈی کے ڈسٹرکٹ ہیڈکوارٹرز ہسپتال میں چھ جڑواں بچوں کی پیدائش

اردو کرانیکل

1 Comment

lista escape room

جون 29, 2024 at 12:29 صبح

Hi there, just became alert to your blog through Google, and found that it is really informative.
I am going to watch out for brussels. I’ll be grateful if you continue this in future.

Many people will be benefited from your writing. Cheers!
Lista escape room

جواب دیں