پاکستان
فرح گوگی کے بچوں کے نام ای سی ایل سے نکالنے کی درخواست،وزارت داخلہ کو جواب کے لیے مہلت
لاہور ہائیکورٹ نے فرح خان کے بچوں کا نام ای سی ایل میں شامل کرنے کیخلاف درخواست پر وزات داخلہ کو جواب داخل کرانے کیلئے مہلت دے دی.
لاہور ہائیکورٹ کے جسٹس رضا قریشی نے فراز اقبال اور ایمان اقبال کی درخواست پر سماعت کی جس میں نام ای سی ایل میں شامل کرنے کے اقدام کو چیلنج کیا گیا۔
سماعت کے دوران وفاقی وزارت داخلہ نے جواب داخل کرانے کیلئے مہلت دینے کی استدعا کی جسے عدالت نے منظور کر لیا۔
وکیل نے موقف اختیار کیا کہ درخواست گزار بچوں کے والدین پر سیاسی بنیادوں پر مقدمے بنائے گئے اور اب بچوں کے نام سیاسی بنیادوں پر نام ای سی ایل میں شامل کیے ہیں۔
وکیل نے استدعا کی کہ درخواست گزار بچوں کے بنیادی حقوق کا تحفظ یقینی بنائے اور بچوں کے نام ای سی ایل سے خارج کر دیئے جائیں۔