پاکستان
سیالکوٹ سے کراچی پہنچنے والی علامہ اقبال ایکسپریس کی بوگی ٹریک سے اتر گئی
سیالکوٹ سے کراچی پہنچنے والی علامہ اقبال ایکسپریس کی ایک بوگی پٹری سے اتر گئی، واقعہ کراچی میں کالا پل کے پاس چنیسر ہالٹ اسٹیشن پر پیش آیا.
ریلوے حکام کے مطابق ٹرین پٹری سے اترنے کے باعث کوئی جانی یا مالی نقصان نہیں ہوا تاہم ڈائون ٹریک پر ریل گاڑیوں کی آمد معطل ہوگئی.
ریلوے حکام کے مطابق ٹریک کی بحالی کا کام کیا جارہا ہے، اس سے قبل رواں ماہ کے دوران یکم مئی اور سولہ مئی کو بھی کراچی میں دو ریل گاڑیاں پٹری سے اترنے کے واقعات ہوچکے ہیں.