خیبرپختونخوا میں سینیٹ الیکشن ہونے تک چیئرمین سینیٹ کا انتخاب نہ کیا جائے، بیرسٹر گوہر

چیئرمین پی ٹی آئی بیرسٹر گوہر نے کہا ہے کہ ہمارے امیدواروں کی جیت کو ہار میں تبدیل کیاجارہا ہے،الیکشن کمیشن اپنی ذمہ داری نبھانے میں ناکام ہوچکا ہے،ہماری اکثریت کو اقلیت میں بدلنے کی کوشش کی جارہی ہے۔

بیرسٹرگوہر نے اڈیالہ جیل کے باہر میڈیا سے گفتگو کرتے ہوئے کہا کہتوشہ خانہ ایک بوگس کیس تھا،عمران خان کا کہنا ہے میرے خلاف بوگس کیسزبنائےگئے،بشریٰ بی بی کے میڈیکل ٹیسٹ ہونے چاہئیں،بشریٰ بی بی کے ٹیسٹ شوکت خانم سے کرائے جائیں،شوکت خانم کی رپورٹ کو ہم تسلیم کریں گے۔

بیرسٹر گوہر نے کہا کہ خیبرپختونخوامیں سینیٹ الیکشن ہونےتک چیئرمین،ڈپٹی چیئرمین سینیٹ کا الیکشن نہیں ہوناچاہئے،سینیٹ الیکشن میں خیبرپختونخوا کی کوئی نمائندگی نہیں،سینیٹ میں ہمارا اپوزیشن لیڈر علی ظفرہوگا،سینیٹ میں ہمارے پارلیمانی لیڈر عون عباس بپی ہوں گے۔

بیرسٹر گوہرنے کہا کہ خیبرپختونخوا میں سینیٹ الیکشن کیوں نہیں کرائےگئے؟ہمارے دل میں شہریارآفریدی کیلئے بہت جگہ ہے،شہریار آفریدی نے جو بات کی وہ درست کی ہے،ہماری درخواست ہے جو بات کرنی ہے وہ پارٹی پلیٹ فارم سے کریں،شہریار آفریدی کی بہت ساری قربانیاں ہیں،وہ ہمارے لیڈر ہیں۔

بیرسٹرگوہر نے کہا کہ بانی پی ٹی آئی سے آج بہت سی سیاسی باتیں بھی ہوئیں،جولوگ پریس کانفرنس کرچکے،بیانات دے چکے،ان کا واپس آنےکا فیصلہ عمران خان کریں گے۔

اس موقع پر شیرافضل مروت نے کہا کہ خرم ذیشان کا نام ڈراپ کرنا عمران خان کے فیصلے کی توہین ہے،شہریار آفریدی نے جس امیدوار کیلئے کہا درست بات کی۔