وزیراعلیٰ نے نارکوٹکس کنٹرول کے لیے تین نئے تھانے بنانے کی منظوری دے دی

وزیر اعلیٰ پنجاب مریم نواز  کی زیر صدارت اجلاس میں نارکوٹکس کنٹرول کیلئے تین پولیس سٹیشنز بنانے کی منظوری دے دی گئی،اینٹی نارکوٹکس کیلئے نیا محکمہ بنانے کی تجویز پر اتفاق کیا گیا۔

وزیر اعلیٰ پنجاب مریم نوازکی صدارت میں محکمہ ایکسائز  ٹیکسیشن اینڈ نارکوٹیکس کنٹرول کاجائزہ اجلاس ہوا۔

وزیراعلیٰ مریم نواز نے ہدایت کی کہ ان لوگوں کو ٹیکس نیٹ میں لایا جائے جو ٹیکس نیٹ میں نہیں ہیں،گھروں پر ٹیکس کو ریشنلائز کرنے کی ضرورت ہے۔

مریم نواز شریف نے رینٹل ویلیو اور ڈی سی ریٹ کے مطابق ٹیکس میں فرق پر اسسمنٹ رپورٹ بنانے کی ہدایت کی۔ وزیراعلیٰ نے ٹیکس کنسلٹنسی یونٹ قائم کرنے کی منظوری دے دی۔ سمگلنگ اور منشیات کی سمگلنگ روکنے کیلئے 13 ایکسائز چیک پوسٹ قائم کی جائیں گی۔

وزیراعلیٰ کو بریفنگ دی گئی کہ گاڑیوں کی ای رجسٹریشن کیلئے ای ٹاٹیٹل ڈاکومنٹ کا آغاز کیا گیا، 12.5 فیصد ٹیکس کولیکشن میں اضافہ ہوا۔ایکسائز ڈپارٹمنٹ دستک پروگرام کے ذریعے سروسز فراہم کرے گا۔ ایکسائز ڈپارٹمنٹ سیف سٹی اتھارٹی کے ساتھ چالان کی ریکوری کیلئے کام کرے گا۔

اجلاس میں سابق سینیٹر پرویز رشید، ایم پی اے ثانیہ عاشق،چیف سیکرٹری،سیکرٹریز خزانہ، ایکسائزاور دیگر حکام نے شرکت کی۔