ملک کو نئی سیاسی جماعت کی ضرورت ہے، نواز شریف کو واپسی پر قانون کا سامنا ہوگا، شاہد خاقان عباسی

مسلم لیگ ن کے سینئر رہنما اور سابق وزیراعظم شاہد خاقان عباسی نے کہا کہ ملک کو نئی سیاسی جماعت کی ضرورت ہے، پارٹی کے خلاف کبھی بات نہیں کی، اب بھی پارٹی وابستگی ہے۔

نیو نیوز کے پروگرام میں یشفین جمال سے بات کرتے ہوئے شاہد خاقان عباسی نے کہا کہ میری پارٹی سے وابستگی ہے کبھی پارٹی کے خلاف بات نہیں کی،جو رائے لی جاتی وہ اختلاف رائے سے ہوتی ہے،ہمیں اس چیز کا اندازہ نہیں ہے ملک تباہی کے راستے پر کہاں کھڑا ہے،ریاست میں آرمی لیڈر شپ کی بھی ضرورت ہے۔

شاہد خاقان عباسی نے کہا کہ 40سال پاکستان میں مارشل لاء رہا ہے، ملک کی تباہی کا رزلٹ ساری قوم کے سامنے ہے، سب مل کر ایک پیج پر اکٹھے ہوں، آج کی جو سیاست ہے میں اس سے اتفاق نہیں کرتا،ملکی عوام کو نئی جماعتوں  کی ضرورت ہے۔

شاہد خاقان عباسی نے کہا کہ آج بھی سیاست یہی ہے کہ ایک دوسرے پر الزام لگا رہے  ہیں، قانون سب کے لیے قانون ہی ہونا چاہیئے،  پاکستان کی پالیسیز کو چیئرمین پی ٹی آئی نے سائفر سے جوڑا۔

شاہد خاقان عباسی نے کہا کہ نوازشریف پاکستان میں آتے ہیں تو ان کے لیے بھی قانون ہوگا، سرفراز بگٹی کو بیان دینے کی ضرورت نہیں تھی،نگران حکومت کو اپنے بیانات پر احتیاط کرنا چاہیئے۔

شاہد خاقان عباسی نے کہا کہ شاہ محمود قریشی کو ہتھکڑیاں نہیں لگنی چاہیئے، جرم ان پر ابھی ثابت نہیں ہوا،میرا ذاتی خیال ہے کہ الیکشن فروری مارچ میں ہونے چاہیئں، میاں نوازشریف سے رفاقت اور دوستی 35سال پرانی ہے،میاں نوازشریف کے بغیر انتخابی مہم آسان نہیں ہوسکتی۔