محکمہ تعلیم سندھ میں اساتذہ کی 14 ہزار خالی اسامیوں پر بھرتی کا فیصلہ

محکمہ تعلیم سندھ نے اساتذہ کی 14 ہزار 40 خالی اسامیاں پر کرنے کی تیاری کرلی،صوبہ بھر میں پرائمری ٹیچر کی 9 ہزار 315 خالی اسامیوں پر بھرتیاں کی جائے گی۔

4 ہزار 725 جونئیر اسکول ٹیچرز کی خالی اسامیوں پر بھی بھرتیاں کرنے کا فیصلہ کیا گیا ہے۔

تمام اضلاع کے ڈسٹرکٹ ایجوکیشن افسروں نے فہرستیں تیار کر لیں، کراچی میں پرائمری ٹیچرز کی 4 ہزار 295 خالی اسامیوں کو پر کیا جائیگا۔ایک ہزار 260 جونئیر ٹیچرز کو بھی بھرتی کیا جائیگا۔

حیدرآباد میں 2 ہزار 731 پرائمری ٹیچرز کو بھرتی کیا جائیگا جبکہ 2ہزار 731 جونئیر اسکول ٹیچرز کی خالی اسامیوں کو بھی پر کیا جائیگا۔

لاڑکانہ میں پرائمری میں 1 ہزار 74 جبکہ 503 جونئیر ٹیچر بھرتی کرنے کافیصلہ کیا گیا ہے،سکھر میں ایک ہزار 215 پرائمری اور 231 جونئیر ٹیچرز بھرتی ہوں گے،بھرتی ہونے والے تمام امیدوار ویٹنگ پر ہیں۔

ان امیدواروں نے 2021 میں میرٹ ٹیسٹ پاس کیا تھا، سابقہ نگراں حکومت نے ویٹنگ  پرموجود امیدواروں کی بھرتیوں پر پابندی عائد کر رکھی تھی۔