پاکستان
الیکشن کمیشن نے ضابطہ اخلاق کی خلاف ورزی پر میئر کراچی سے وضاحت طلب کر لی
الیکشن کمیشن نے ضابطہ اخلاق کی خلاف ورزی پر میئر کراچی مرتضیٰ وہاب سے وضاحت طلب کرلی۔
میئر کراچی کو آج کی پریس کانفرنس میں پیپلز پارٹی کو سپورٹ کرنے پر مراسلہ جاری کیا گیا۔
الیکشن کمیشن کے مطابق میئر کراچی ضابطہ اخلاق کی شق نمبر 18 اور 41 کی خلاف ورزی کے مرتکب ہوئے،ضابطہ اخلاق کے مطابق میئر، چیئرمین اور ناظم کسی سیاسی جماعت کو سپورٹ نہیں کرسکتے۔
الیکشن کمیشن کی جانب سے مرتضیٰ وہاب کو بھجوائے گئے مراسلہ میں کہا گیا ہے کہ ضابطہ اخلاق کے مطابق میئر، چیئرمین اور ناظم کسی سیاسی جماعت کو سپورٹ نہیں کرسکتے۔
الیکشن کمیشن نے میئر کراچی مرتضی وہاب سے کل تک وضاحت طلب کرلی ہے۔
مراسلے میں کہا گیا ہے کہ وضاحت نہ دینے کی صورت میں میئر کراچی کے خلاف قانون کے مطابق کارروائی ہوگی۔