تازہ ترین
وفاق نے بجلی چوری پر خط لکھا ہے، میرے صوبے کے عوام کو بجلی چور کہا گیا تو برداشت نہیں کروں گا، علی امین گنڈا پور
وزیراعلیٰ خیبرپختونخوا علی امین گنڈا پور نے کہا ہے کہ وفاق نے بجلی چوری پر خط لکھا ہے، صوبے کے عوام کو چور کہ گیا تو برداشت نہیں کروں گا، ہر صوبے میں جا کر احتجاج کروں گا، دیکھتا ہوں مجھے کون روکتا ہے۔
پشاور میں پریس کانفرنس کرتے ہوئے علی امین گنڈاپور نے کہا کہ 8 فروری کو بدترین دھاندلی کی گئی،ہمارے امیدواروں کےدفترتوڑے گئےانہیں مہم نہیں چلانے دی گئی،کوئی ثابت کردے ہم نے سرکاری سطح پر کسی قسم کا دباؤ ڈالا ہو،عوام نے ووٹ دیا،اپنےنمائندے چنے،عوام کو مبارکباد دیتے ہیں۔
وزیراعلیٰ خیبرپختونخوا نے کہا کہ باجوڑ کے ضمنی الیکشن کے نتیجےسے ثابت ہے حکومت نے کوئی مداخلت نہیں کی،باجوڑ کےضمنی الیکشن میں ووٹرزنےجوفیصلہ کیااس کا احترام کرتے ہیں،عوام کے مینڈیٹ کا ہم نے احترام کیا ہے،غیرقانونی حرکتیں ہم بھی کرسکتے تھے لیکن کوئی بھی غیر قانونی کام نہیں کیا۔
علی امین گنڈا پور نے کہا کہ ہم نے کسی امیدوار کیلئے کوئی رکاوٹ پیدا نہیں کی،ضمنی الیکشن میں پنجاب میں عام انتخابات سے زیادہ ووٹ پڑے۔
وزیراعلیٰ خیبرپختونخوا نے کہا کہ وفاق سے ایک خط آیا جس میں کہا گیا خیبرپختونخوا میں بجلی چوری ہورہی ہے،وفاق کوخط بھیجنےسےپہلےخیبرپختونخواحکومت سے بات کرنی چاہئےتھی،یہ کوئی طریقہ نہیں،اپنے صوبے کے عوام کی ذمہ داری لیتا ہوں،وفاقی حکومت نےواپڈا کے ذریعےکارروائیاں شروع کردی ہیں،خیبرپختونخوا میں بجلی کی بدترین لوڈشیڈنگ کی جارہی ہے۔
وزیراعلیٰ علی امین گنڈاپور نے کہا کہ وفاق سے جب تک بات چیت نہیں ہوتی ناجائز کارروائیاں نہ کی جائیں،بجلی اگر چوری ہورہی ہے تواس کیلئے راستہ ڈھونڈنے کیلئے تیار ہیں۔
علی امین گنڈا پور نے کہا کہ تمام صوبوں میں پی ٹی آئی کا ورکرز کنونشن کریں گے،واپڈا کے لائن مین اور افسران کے بغیر کوئی چوری نہیں کرسکتا،خیبرپختونخوا کےعوام کو چور کہا گیا تو برداشت نہیں کروں گا،ہر صوبے میں جاؤں گا دیکھتا ہوں کون مجھے روکتا ہے۔
علی امین گنڈا پور نے کہا کہ فارم 47 پر بنی حکومتوں نے ضمنی الیکشن میں نظام کو مزید خراب کیا،بشریٰ بی بی کے علاج اورچیک اپ کیلئےنیابورڈتشکیل دیاجائے،ہمارے مطالبات پر غور نہ کیا گیا تو حق چھین کر لینا بھی جانتے ہیں۔
گنڈا پور نے کہا کہ خطے کے حالات دن بدن بدتر ہورہے ہیں،مردان اور صوابی کی پولیس دہشتگردوں کا مقابلہ کررہی ہے،ہم پولیس فورس مانگ رہے ہیں ہمیں نہیں دی جارہی،وفاقی حکومت نے قبائلی اضلاع کو جو حق دینا تھا وہ نہیں دیا گیا۔
علی امین گنڈا پور نے کہا کہ بجلی سسٹم اپ گریڈ نہیں کیا جارہا تو اس کا ذمہ دار کون ہے،عوام کو بجلی کے بہت زیادہ بل آرہے ہیں،جتنی بھی جعلی ایف آئی آرز ہیں انہیں جلد ختم کرکے دکھائیں گے، آپ پیسے نہیں دے رہےاور نظام بھی ٹھیک نہیں کررہے ،ہر صوبے میں جاکر پرامن احتجاج کروں گا، بہتر ہے آپ اپنا رویہ ٹھیک کریں، لوگوں کی خدمت پر فوکس کریں۔
-
کھیل8 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین3 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
کالم12 مہینے ago
اسلام میں عبادت کا تصور
-
ٹاپ سٹوریز12 مہینے ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
پاکستان1 مہینہ ago
پنجاب حکومت نے ٹرانسفر پوسٹنگ پر عائد پابندی ہٹالی
-
لائف سٹائل10 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
ٹاپ سٹوریز12 مہینے ago
ابن خلدون، عمرانیات سمیت کئی علوم کا بانی، اصلی ’فادر آف اکنامکس‘
-
ٹاپ سٹوریز6 مہینے ago
سموگ کی وجہ سے جمعہ 10 نومبر کو پنجاب بھر میں چھٹی کا اعلان