کویت اور قطر کے سربراہوں نے دورہ پاکستان کی دعوت قبول کر لی

امیرکویت اورامیرقطرنے وزیراعظم کی دورہ پاکستان کی دعوت کو قبول کرلی، پاکستان میں تعینات کویت اورقطرکے سفیروں نے وزیراعظم شہباز شریف سے الگ الگ ملاقات میں خط پیش کئے۔

پاکستان میں تعینات کویت اورقطرکے سفیروں نے وزیراعظم شہبازشریف سے الگ الگ ملاقات کی، کویت کے سفیر نے وزیراعظم کو کویت کے امیر شیخ مشعل الاحمد الجابر الصباح کا خط پیش کیا جس میں امیرکویت کی جانب سے دورہ پاکستان کی دعوت قبول کرنے کا پیغام ہے ۔

قطری سفیر نے وزیراعظم کو امیرقطر شیخ تمیم بن حمد الثانی کا خط پیش کیا جس میں امیر قطر نے دورہء پاکستان کی دعوت کو قبول کرنے کا پیغام دیا ہے ۔ امیرکویت اورامیر قطر کا دورہ پاکستان کے کویت اورقطر کے ساتھ سرمایہ کاری اوردیگرشعبوں میں تعاون مزید بڑھانے میں کارگرثابت ہوگا۔