پاکستان
الیکشن کمیشن میں حلقہ بندیوں پر اعتراضات کی سماعت آج سے شروع
الیکشن کمیشن ابتدائی حلقہ بندیوں پر اعتراضات کی سماعت آج سے شروع کرے گا۔ترجمان الیکشن کمیشن کا کہنا ہے ، یکم نومبر ، 2 نومبر اور 3 نومبر کی سماعت کے لئے اعتراض کنندگان کو نوٹس بھی بھیج دئیے گئے ہیں۔
الیکشن کمیشن کو تمام صوبوں اور اسلام آباد کیلئے مجموعی طورپر 1324 اعتراضات جمع کرائے گئے ہیں۔
ترجمان الیکشن کمیشن کا کہنا ہے کہ پنجاب میں 672 ، سندھ 228 ،خیبرپختونخوا 293 ،بلوچستان 124 اور اسلام آباد میں 7 اعتراضات جمع ہوئے۔
تمام اعتراضات کی سماعت کے بعد 30 نومبر کو حلقہ بندیوں سے متعلق حتمی فہرست شائع کر دی جائے گی۔