اسلام آباد کی عدالت نے وزیراعلیٰ خیبرپختونخوا کے ناقابل ضمانت وارنٹ گرفتاری جاری کر دیے

ڈسٹرکٹ اینڈ سیشن کورٹ اسلام آباد نے وزیراعلیٰ  خیبر پختونخوا علی امین گنڈاپور اور شاہ محمود قریشی کے ناقابل ضمانت وارنٹ گرفتاری جاری کردیئے گئے،  وارنٹ پی ٹی آئی آزادی مارچ پر درج مقدمات میں جاری کئے گے ہیں۔

جوڈیشل مجسٹریٹ نوید خان نےتھانہ کورال میں درج مقدمہ کی سماعت کا تحریری حکمنامہ جاری کردیا۔

فیصل جاوید خان اور علی نواز اعوان کو بری کردیا گیا،عدالت نے طلبی کے باوجود مسلسل عدم پیشی پر شاہ محمود قریشی اور علی امین گنڈا پور کے ناقابل ضمانت وارنٹ جاری کردیے۔

عدالت نے فیصل جاوید خان اور علی نواز اعوان کو عدم ثبوت کی بنا پر بری کیا، عدالت نے کیس 20 مئی کو دوبارہ سماعت کیلیئے مقرر کردیا۔

بانی پی ٹی آئی کو عدالت پہلے ہی حقیقی آزادی مارچ کے اس کیس سے بری کر چکی ہے۔