تفصیلی فیصلہ آنے تک مخصوص نشستوں کا معاملہ مؤخر رکھا جائے، الیکشن کمیشن لا ونگ کی تجویز

الیکشن کمیشن لا ونگ نے مخصوص نشستوں کا معاملہ تفصیلی فیصلے تک مؤخر کرنے تجویز دے دی۔

چیف الیکشن کمشنر سکندر سلطان راجہ کی زیر صدارت مخصوص نشستیں تحریک انصاف کو دینے کے حوالے سے اہم مشاورتی اجلاس جاری ہے۔

سپریم کورٹ کے فیصلے پر عملدرآمد سے متعلق آج الیکشن کمیشن کا دوسرا اجلاس ہورہا ہے، گزشتہ روز اجلاس بے نتیجہ ختم ہوگیا تھا۔

اجلاس میں پی ٹی آئی کو مخصوص نشستیں دینے سے متعلق غور کیا جارہا ہے، الیکشن کمیشن کی قانونی ٹیم آج بھی بریفنگ دے رہی ہے۔

ذرائع کے مطابق الیکشن کمیشن لا ونگ نے مخصوص نشستوں کا معاملہ تفصیلی فیصلے تک مؤخر کرنے تجویز دے دی۔

ذرائع لا ونگ کا کہنا ہے کہ سپریم کورٹ کے مختصر فیصلے میں کچھ ابہام موجود ہیں، ابہام دور کرنے کے لیے ان چمبر رجوع یا تفصیلی فیصلے کا انتظار کیا جاسکتا ہے، سپریم کورٹ فیصلے پر حتمی فیصلے کی منظوری الیکشن کمیشن دے گا۔