خیبر پختونخوا حکومت ایک قیدے کے احکامات ماننے کے لیے غیرقانونی اقدامات کر رہی ہے، ڈاکٹر عباد اللہ

اپوزیشن لیڈرخیبرپختونخوا اسمبلی ڈاکٹرعباداللہ نے کہا ہے کہ خیبرپختونخواحکومت صرف ایک قیدی کے احکامات کو ماننے کیلئے غیر قانونی اقدامات اٹھا رہی ہے۔

پشاور میں میڈیا سے بات کرتے ہوئے ڈاکٹر عباداللہ نے کہا کہ خیبرپختونخوامیں حکومت کی ہٹ دھرمی کے باعث سینیٹ الیکشن نہیں ہورہے،اسپیکرخیبرپختونخوا اسمبلی بھی پی ٹی آئی کے ٹائیگر کا کردارادا کررہے ہیں۔

اپوزیشن لیڈر خیبر پختونخوا اسمبلی نے کہا کہ یہ اس ملک اور قوم کی بدقسمتی ہے،خیبرپختونخوا کی تاریخ میں پہلی بار صوبائی اسمبلی کو غیرقانونی  الیکشن کمیشن کے حوالے کیا گیا،اسمبلی ہال کو قانونی طور پر قرارداد کے  ذریعے پولنگ اسٹیشن کا درجہ دینا تھا۔

ڈاکٹر عباد اللہ نے کہا کہ آج خیبرپختونخوا اسمبلی کا کسٹوڈین آف دی ہاؤس غیر حاضر ہے، حکومتی ہٹ دھرمی سے پورے ملک  میں صرف خیبرپختونخوامیں سینیٹ انتخابات ملتوی ہوئے،عدالت اور الیکشن کمشن کے فیصلوں کو تسلیم نہیں کیا جارہا۔