جج سے بدتمیزی کرنے والے وکیل کو چھ ماہ قید، ایک لاکھ جرمانہ

لاہور ہائیکورٹ نے  کمرہ عدالت میں نامناسب رویہ اختیار کرنے پر وکیل کو قید اور جرمانے کی سزا سنا دی۔

چیف جسٹس لاہور ہائیکورٹ جسٹس ملک شہزاد احمد خان نے زاہد محمود گورائیہ کیخلاف توہین عدالت کی کارروائی مکمل ہونے پر فیصلہ سنایا اور وکیل کو چھ ماہ قید اور ایک لاکھ روپے جرمانہ کر دیا۔

پولیس نے وکیل زاہد محمود گورائیہ کو عدالت سے گرفتار کرلیا۔ چیف جسٹس ملک شہزاد احمد خان نے واقعہ کی گواہوں کی شہادتوں اور جرح  کی بنیاد پر فیصلہ سنایا۔

وکیل پر لاہور ہائیکورٹ کے جسٹس سلطان تنویر احمد کے روبرو میں نامناسب رویہ اپنانے کاالزام ہے۔

جسٹس سلطان تنویر نے وکیل کےخلاف کارروائی کےلئے ریفرنس چیف جسٹس کو بھجوایاتھا۔